Kaupás ehf. hefur, í samráði við matvælaeftirlit Heilbrigðiseftirlits Reykjavíkur, ákveðið að innkalla frá neytendum súkkulaðið Dark Chocolate with Coffee frá Chocolate and Love þar sem aðskotahlutur fannst í einu súkkulaðistykki.
Eftirfarandi upplýsingar auðkenna vöruna sem innköllunin einskorðast við:
Vörumerki: Chocolate and Love.
Vöruheiti: Coffee 55% - Dark Chocolate with Coffee.
Strikanúmer: 5060270120032.
Nettómagn: 100 g.
Best fyrir: 17.04.2016.
Framleiðsluland: Sviss.
Innflytjandi: Kaupás ehf., Skarfagörðum 2, 104 Reykjavík.
Dreifing: Verslanir Krónunnar og Nóatúns um land allt.
Viðskiptavinum sem hafa verslað vöruna í framangreindum verslunum er bent á að skila henni í viðkomandi verslun. Hér að neðan má sjá ljósmynd af umræddu súkkulaði.