200 börn á aldrinum 5-15 ára sungu tvö lög eftir John Lennon í Ráðhúsinu í dag en atburðurinn markaði upphaf friðarviku í Reykjavík.
Söngur barnanna ómaði um Ráðhúsið en þau komu úr einum átta kórum af höfuðborgarsvæðinu og nærliggjandi sveitarfélögum. Börnin sungu af innlifun lögin Love eftir John Lennon og lagið To be grateful eftir Magnús Kjartanson sem lék undir á píanó. Alþjóðleg friðarhátíð eða Reykjavik Peace Festival er að hefjast og mun standa alla vikuna. Upptökur af söng barnanna verða m.a. notaðar til að kynna friðarborgina Reykjavík og friðarhátíðina.