Gengið hefur verið frá samningum í framhaldi af útboði byggingaréttar í Úlfarsárdal og Reynisvatnsási fyrir 504 milljónir. Önnur lóðasala í fyrra nam 718 milljónum og samtals voru því lóðir seldar fyrir rúmar 1.200 milljónir króna, sem er yfir væntingum.
Í útboðinu sem lauk síðasta sumar bárust gild tilboð fyrir rúman milljarð. Magnús Ingi Erlingsson, lögfræðingur hjá skrifstofu eigna og atvinnuþróunar sem fer með lóðasölu í Reykjavík, segir margar skýringar vera á þessum mun tilboða og seldra lóða. „Menn hætta við af ýmsum ástæðum. Í sumum tilfellum var fjármögnun ekki klár og einnig gerðu sumir tilboð í margar eignir, en ganga svo aðeins að hluta samþykktra tilboða,“ segir Magnús.
Lóðasala í Reykjavík á síðasta ári var engu að síður yfir væntingum, að sögn Magnúsar. Auk útboðsins voru seldar lóðir á föstum verðum fyrir 718 milljónir og því er heildarsala byggingarréttar 2013 að meðtöldum gatnagerðargjöldum um 1.200 milljónir króna. Byggingarréttur var seldur fyrir 201 íbúð. Hlutfall atvinnuhúsnæðis í heildarsölu er 22%.
Útboð í Úlfarsárdal og Reynisvatnsási – frágengnir samningar:
| Götuheiti | Söluverð: |
|
Skyggnisbraut 26 - 30 Skyggnisbraut 14-18 og Friggjarbrunnur 42 - 44 Haukdælabraut 76 Haukdælabraut 106 Haukdælabraut 110 Haukdælabraut 68 Haukdælabraut 22 - 30 Urðarbrunnur 72 - 74 Urðarbrunnur 17 Úlfarsbraut 16 Haukdælabraut 78 - 92 |
141.000.000 kr. 172.666.666 kr. 12.600.000 kr. 12.400.000 kr. 12.050.000 kr. 13.400.000 kr. 38.600.000 kr. 15.300.000 kr. 12.354.000 kr. 12.121.000 kr. 62.400.000 kr. |
| Samtals söluverð í útboði: | 504.891.666 kr. |
Útboðsverð voru að meðaltali 8% yfir lágmarksverði. Sjá nánar í samantektartöflu: Skoða lista yfir seldar lóðir.
Úthlutanir á föstum verðum:
| Götuheiti | Söluverð: |
|
Haukdælabraut 98 Hádegismóar 1 og 3 Skyggnisbraut 2 -6 Skyggnisbraut 8 - 12 |
11.100.000 kr. 266.080.032 kr. 225.400.000 kr. 216.200.000 kr. |
| Samtals söluverð á föstum verðum: | 718.780.032 kr. |
Nánari upplýsingar:
Listi yfir seldan byggingarrétt: pdf skjal.