Fjölskyldu- og húsdýragarðurinn sem opnaði 1990 hefur frá upphafi gert höfuðborgarbúum kleyft að sjá flest helstu húsdýr á Íslandi innan borgarmarkanna.
Gríðarleg ásókn er í garðinn og á síðasta ári sóttu um 200 þúsund manns hann heim. Fyrir fræðslu og kynningarstarf hlaut Fjölskyldu- og húsdýragarðurinn Landbúnaðarverðlaunin 2014.
Tómas Óskar Guðjónsson, forstöðumaður tók við viðurkenningunni við setningu búnaðarþings á laugardaginn.