Fulltrúar Reykjavíkurborgar og verkalýðshreyfingarinnar hafa byrjað vinnu við að stuðla að stofnun nýrra húsnæðisamvinnufélaga. Markmiðið er að stofnuð verði félög til að byggja og reka leiguíbúðir á viðráðanlegu verði til að leysa bráðan húsnæðisvanda í Reykjavík. Í starfshópi um málið sitja fulltrúar Reykjavíkurborgar, ASÍ, BHM, BSRB og Kennarasambands Íslands.
Ný húsnæðisstefna Reykjavíkurborgar kveður á um að hafin verði bygging á 2.500 – 3.000 nýjum leigu- og búseturéttaríbúðum á næstu þremur til fimm árum í samvinnu við traust húsnæðis- og byggingarsamvinnufélög og verkalýðshreyfinguna.
Í hópnum sitja fyrir hönd Reykjavíkurborgar: Hrólfur Jónsson, formaður hópsins, frá skrifstofu eigna- og atvinnuþróunar, Birgir Björn Sigurjónsson, fjármálastjóri Reykjavíkurborgar og Ellý A. Þorsteinsdóttir frá velferðarsviði.
Fyrir hönd Alþýðusambands Íslands (ASÍ): Bjarni Þór Sigurðsson, Magnús M. Norðdahl og Sigurrós Kristínsdóttir.
Fyrir hönd Bandalags háskólamanna (BHM): Georg Brynjarsson og Sigríður Svavarsdóttir.
Fyrir hönd Bandalags starfsmanna ríkis og bæja (BSRB): Garðar Hilmarsson og Kristín Á. Guðmundsdóttir.
Fyrir hönd Kennarasambands Íslands (KÍ): Rósa Ingvarsdóttir.
Hópnum er falið að skila niðurstöðum til borgarráðs 1. apríl næstkomandi.