Auglýst er eftir tilnefningum til hvatningarverðlauna skóla- og frístundaráðs vegna leikskóla-, grunnskóla- og frístundastarfs. Allir geta tilnefnt til verðlaunanna; foreldrar, kennarar, ömmur og afar, borgarstarfsmenn, stofnanir og samtök.
Skilafrestur fyrir tilnefningar rennur út 28. mars, en verðlaunin sjálf verða afhent við hátíðlega athöfn í maí. Níu verkefni sem þykja til eftirbreytni og öðrum hvatning til góðra verka verða verðlaunuð. Hvatningarverðlaunin eru í formi viðurkenningarskjals og verðlaunagrips sem starfsstaðurinn fær til eignar.
- Viltu vekja athygli á gróskumiklu leikskóla-, grunnskóla eða frístundastarfi á vegum Reykjavíkurborgar?
- Veistu af metnaðarfullu þróunarverkefni, skemmtilegum tilraunum eða annarri nýbreytni í skóla- og frístundastarfi Reykjavíkurborgar?
- Viltu veita starfsfólki skóla- og frístundastarfs í Reykjavík viðurkenningu og hvatningu?
Hér er tilnefningarblað.