Fréttatilkynning frá matvælaeftirliti Heilbrigðiseftirlits Reykjavíkur
Efni: Viðbótarupplýsingar við fréttatilkynningu Heilbrigðiseftirlits Reykjavíkur nr. 4/2013 vegna innköllunar og sölustöðvunar á Findus Lasagne, sem fyrirtækið Eggert Kristjánssonar hf., í samráði við Heilbrigðiseftirlit Reykjavíkur, gerði í varúðarskyni vegna möguleika á því að varan innihéldi hrossakjöt.
Upplýsingar frá Findus - Svíþjóð vegna Findus vara á Íslandi
Heilbrigðiseftirliti Reykjavíkur hafa nú borist upplýsingar frá Findus í Svíþjóð í gegnum heildverslun Eggert Kristjánssyni hf., um að Findus vörur, sem seldar hafa verið á Íslandi, hafi hvorki verið framleiddar af fyrirtækinu Comigel í Lúxemborg né innihaldi neinar kjötafurðir frá því fyrirtæki. Það hrossakjöt sem fannst í Findus vörum í Evrópu hefur verið rakið til Comigel.
Findus vörur sem seldar hafa verið á Íslandi eru því ekki á neinn hátt tengdar hrossakjötsmálinu svokallaða í Evrópu.