Föstudaginn 11. janúar fékk Vesturgarður viðurkenningu fyrir skref 2 í grænu skrefunum. Fyrsta viðurkenningin þ.e. fyrir skref eitt var veitt í byrjun október sl. þannig að það má segja að það sé mikill hugur í starfsmönnum Vesturgarðs. Fyrir þá sem ekki vita eru markmiðið með grænu skrefunum eftirfarandi:
- Gera starfssemi Reykjavíkurborgar umhverfisvænni
- Auka vellíðan starfsmanna og bæta starfsumhverfi þeirra
- Draga úr kostnaði í rekstri Reykjavíkurborgar
- Innleiða áherslur í umhverfismálum sem þegar hafa verið samþykktar
- Vinnustaðir fái viðurkenningu fyrir metnað sinn í umhverfismálum
- Vinnustaðir borgarinnar geti innleitt aðgerðir á mismunandi hátt eftir umfangi og eðli starfsseminnar
- Aðgerðir Reykjavíkurborgar í umhverfismálum séu sýnilegar
- Reykjavíkurborg verði fyrirmynd annarra í umhverfismálum
Starfsmenn eru staðráðnir í að halda áfram og eru nú þegar farnir að huga að næsta skrefi.
Hér má sjá glaða starfsmenn með viðurkenninguna.