Skráning í matjurtagarðana er hafin. Reykjavíkurborg vill koma til móts við þá borgarbúa sem vilja leigja matjurtagarða sumarið 2013. Tvöhundruð matjurtagarðar verða leigðir út á vegum borgarinnar í Skammadal auk sexhundruð fjölskyldugarða innan borgarmarka. Sækja skal um garð á netfangið matjurtagardar@reykjavik.is.
Fjölskyldugarðar: Sexhundruð matjurtagarðar verða leigðir út til almennings (áður Skólagarðar Reykjavíkur). Garðar eru í boði í Breiðholti, Árbæ, Vesturbæ, Fossvogi, Laugardal og Grafarvogi.
Leigugjöld ársins 2013 eru 4.800 kr. fyrir garðland í Skammadal (ca. 100m2) og 4.200 kr. fyrir garð í Fjölskyldugörðunum (ca. 20m2). Görðunum verður skilað tættum og merktum. Hægt verður að komast í vatn hjá öllum görðum. Plöntur og útsæði fylgja ekki með görðunum.
Upplýsingar má finna á vefsíðunni reykjavik.is, og hjá Umhverfis- og skipulagssviði í síma 411-1111, umsóknum er skilað á matjurtagardar@reykjavik.is.
Garðarnir í Skammadal verða tilbúnir upp úr miðjum maí og verður tilkynning sett á heimasíðu Umhverfis- og skipulagssviðs hjá Reykjavíkurborg þegar þeir eru tilbúnir. Garðarnir í Fjölskyldugörðunum verða tilbúnir upp úr miðjum maí. Tilkynning mun verða sett á heimasíðu Umhverfis- og skipulagssviðs hjá Reykjavíkurborg þegar þeir eru tilbúnir.
Reykjavíkurborg hefur einnig gert samning við Garðyrkjufélag Íslands um rekstur matjurtagarða í Stekkjarbakka og Grafarvogi. Nánari upplýsingar má einnig sjá á heimasíðu Garðyrkjufélags Íslands, www.gardurinn.is , undir Grenndargarðar.