Mannlífstorg, hundagerði og lýsing á gangbrautum voru á óskalista íbúa í Laugardal

Ritstjórn

Umhverfi Framkvæmdir

Betri göngu- og hjólaleiðir ásamt bættri lýsingu á gangbrautum og stígum eru meðal þeirra verkefna sem íbúar í Laugardal völdu og komust til framkvæmda í tengslum við verkefnaval „Betri hverfa“ í fyrra.  Íbúar sendu fyrst inn hugmyndir sem síðan var kosið um í opinni rafrænni kosningu.

Óskir íbúa í Laugardalnum beindust einkum að bættu umhverfi, gönguleiðum og útivistarmöguleikum. Þá voru mannlífstorg og hundagerði á óskalista íbúa. 

  1. Settir voru upp fleiri og stærri ruslastampar v/göngustíga í Laugardal.
  2. Betri lýsing við gangbrautir yfir Langholtsveg, Sundlaugaveg og Reykjaveg.
  3. Lýsing á stíg norðvestan við Skautahöll var bætt með uppsetningu ljósastaura.
  4. Gangstétt við Austurbrún milli Norðurbrúnar og Dragavegar var endurnýjuð.
  5. Hundagerði var sett upp í Laugardalnum milli Suðurlandsbrautar og Engjavegar.
  6. Aðstaða til útiveru í Laugardalnum var bætt með bekkjum og borðum.
  7. Tenging frá Langholtsvegi að stíg við Sæbraut var bætt.
  8. Sett voru upp körfuboltakörfur við Drekavog – tilraunaverkefni.
  9. Mannlífstorg með hönnunarsmiðju við Skeiðarvog og Gnoðarvog.
  10. Lýsing á horni Skeiðarvogs og Sólheima var bætt.
  11. Lýsing á stíg við Holtaveg (Fjölskyldu- og húsdýragarð) var bætt.
  12. Göngu- og hjólaleið yfir Suðurlandsbraut við Langholtsveg var bætt.
  13. Gerðar voru endurbætur á leiksvæði milli Barðavogs og Langholtsvegar.
  14. Þá var bekkjum fjölgað í hverfinu.



Framkvæmdafé vegna verkefna Betri hverfa í Laugardal var í fyrra um 36 milljónir króna og verður það óbreytt í ár.  Fljótlega verður kallað eftir eftir hugmyndum íbúa að verkefnum og síðan verður kosið milli þeirra í mars.  

Borgarstjóri stendur fyrir íbúafundum í öllum hverfum nú í janúar og er fyrsti fundurinn í kvöld í Laugardal. Sjá nánar í tengdri frétt.

 

Tengd frétt:   Íbúafundur með borgarstjóra í Laugardal, mánudaginn 14. jan