Tónafljóðin Ragnheiður Gröndal, Védís Hervör, Lára Rúnars, Hafdís Huld, Ísabella Leifsdóttir, Hallfríður Ólafsdóttir og Gréta Salóme Stefánsdóttir, sem allar eru KÍTÓN konur, munu stíga á stokk í Viðeyjarstofu á kvenréttindadaginn sjálfan. Þær hafa kokkað upp samsuðu verka eftir meðal annars hver aðra, sem þær munu flytja fyrir tónleikagesti.
Kvöldið hefst kl. 19:30 á skynvíkkandi fordrykk að nafni KÍTÓNS-kraftur en hann heitir í höfuðið á hinu nýstofnaða félagi kvenna í tónlist KÍTÓN. Upphitari kvöldsins er Andrea Jónsdóttir skífuþeytari.
Miðaverð er 2.700 krónur og ferjan er innifalin. Miðasala fer fram á midi.is
Ferjan siglir frá Skarfabakka kl. 19:15 og til baka að tónleikum loknum
Nánar á Videy.com