Innköllun á haframjöli frá First Price vegna þess að aðskotahlutir fundust í vörunni.
Fréttatilkynning frá matvælaeftirliti Heilbrigðiseftirlits Reykjavíkur
Efni: Innköllun á First Price haframjöli vegna aðskotahluta.
Kaupás hefur, í samráði við matvælaeftirlit Heilbrigðiseftirlits Reykjavíkur, innkallað haframjöl frá First Price vegna þess að aðskotahlutir fundust í vörunni. Um er að ræða vöru með best fyrir dagsetningu 2. ágúst 2014.
Eftirfarandi upplýsingar auðkenna vöruna sem innköllunin einskorðast við:
Vörumerki: First Price.
Vöruheiti: Havregryn - finvalsede.
Strikanúmer: 7311041072981.
Nettóþyngd: 1 kg.
Best fyrir: 02.08.2014.
Framleiðandi: Framleitt fyrir SuperGros a/s.
Framleiðsluland: Þýskaland.
Dreifing: Verslanir Krónunnar, Nóatúns og Kjarvals um land allt.
Viðskiptavinum sem hafa verslað vöruna í framangreindum verslunum er bent á að skila þeim í viðkomandi verslun.