Vesturbæjarflétta um skóla- og uppeldisstarf
Starfsfólk leikskóla, grunnskóla og frístundamiðstöðvar í Vesturbæ efna föstudaginn 28. september til fagfléttu allra þeirra sem sinna skóla- og uppeldisstarfi með börnum í hverfinu.
Vesturbæjarfléttan hefst með sameiginlegu fagþingi, tengslamyndun og umræðum, en eftir hádegi verða málstofur og fjölmargar fagsmiðjur í Hagaskóla, Melaskóla og Frostheimum þar sem starfsmenn læra hver af öðrum. Þannig verður t.d. boðið upp á smiðju um heilsueflandi grunnskóla, tilfinningabækur í lífsleikni, skapandi ferli og lýðræði í skóla- og frístundastarfi. Þá má nefna kennslu í leikjum og útieldun á Hagatorgi. Þjónustumiðstöðin Vesturgarður tekur þátt í þessu fagstarfi svo og Mannréttindaskrifstofa Reykjavíkur.
Þegar nýtt skóla- og frístundasvið tók til starfa haustið 2011 ákváðu stjórnendur í skóla- og frístundastarfi í Vesturbæ að skoða kosti þess að vinna meira saman til að framfylgja stefnuþáttum í fagstarfinu. Þeir hafa hist reglulega og lagt á ráðin og hefur margt skemmtilegt sprottið upp úr því. Vesturbæjarfléttan er þannig samstarf um þekkingarmiðlun á sameiginlegum starfsdegi allra sem vinna á skóla- og frístundasviði í hverfinu eða um 450 starfsmanna.
Smiðjur í Vesturbæjarfléttu
Heilsueflandi grunnskóli - Hagaskóli.
Vinátta virðing og jafnrétti - Hagaskóli.
Leikir og útieldun - félagsmiðstöðin Frosti.
Tilfinningabækur í lífsleikni - leikskólinn Gullborg.
Myndlist og sjálfsmynd - leikskólinn Gullborg.
Samtal starfsfólks eldhúsa - leikskólarnir Ægisborg, Sæborg og Grandaborg.
Sundur og saman - leikskólinn Ægisborg.
Nám í skapandi ferli - leikskólinn Sæborg.
Ég og þú og allir hinir - Mannréttindaskrifstofa Reykjavíkur.
Einhverfa - leikskólinn Hagaborg/Þjónustumniðstöðin Vesturgarður.
Ritunarsmiðja og fjölbreytt vinnubrögð - Vesturbæjarskóli.
Hóplestur í Grandaskóla.
Barnaráð og skapandi starf í Frostheimum.
Lýðræði í leik og starfi - Frostheimar.
Umhverfismennt- kynning á Comeniusarverkefni í leikskólanum Drafnarborg/Dvergasteini.
Málstofa um velferð barna - Vesturgarður.
Málstofa um áfallamál - Vesturgarður.
Stærðfræði í daglegu lífi - Melaskóli.
Læsi í víðum skilningi/Umhverfi Melaskóla.
Tónlistarsmiðja - Vesturbæjarskóli.
Tungumálasmiðja - Vesturbæjarskóli.
Smiðja í anda Reggiostefnunnar - leikskólinn Tjarnarborg/Öldukot.
Málstofa um einelti - Vesturgarður.
Lesum og skiljum - Hagaskóli.
