Malbiksviðgerðir á Skeiðarvogsbrúnni yfir Miklubraut

Í kvöld frá kl. 19.00 - 22.00 verður unnið við malbiksviðgerðir á Skeiðarvogsbrúnni yfir Miklubraut og þarf vegna framkvæmdanna að loka götunni beggja vegna brúarinnar. Frárein frá Skeiðarvogi inn á Miklubraut til austurs verður þó opin.

Beðist er velvirðingar á truflun sem af framkvæmdum kann að stafa, en valinn er sá tími sem umferð er alla jafna lítil.

Verkið er unnið fyrir Reykjavíkurborg af Loftorku Reykjavík ehf.