ATH: Þessi frétt er eldri en tveggja ára gömul.
Leikskólar með á kvikmyndahátíð
Átta leikskólar í Reykjavík eru með á kvikmyndahátíðinni RIFF sem nú stendur yfir. Stuttmyndir sem leikskólabörnin gerðu með Pétri Kjærnested voru frumsýndar í Norræna húsinu fyrir skömmu.
Börnin tóku að sögn Péturs þátt í kvikmyndagerðinni af lífi og sál og blönduðu saman leik og hreyfimyndagerð eins og ekkert væri. Það voru aðallega elstu leikskólabörnin, s.s. á Vesturborg og Hagaborg, sem tóku þátt í þessu verkefni sem hefur eflaust kennt þeim margt um leyndardóma frásagnar í lifandi myndum.
