Leikskólinn Hagaborg - endurgerð
Yfirlitsmyndir og teikningar
Hvað verður gert?
Gerð hefur verið heildstæð ástandsskoðun á megin húsnæði Hagaborgar sem byggt var árið 1958 og erum 945m2 að stærð. Ástandsskoðunin gaf til kynna verulega endurnýjunarþörf og hefur því starfsemi í húsinu verið hætt. Á lóð skólans eru einnig færanleg timburhús sem komið var fyrir árið 2022 og heldur starfsemi áfram í þeim.
Á haustmánuðum árið 2025 var farið í valkostagreiningu á verkefninu en í kjölfar hennar var ákveðið að ráðast í heildstæða endurgerð á húsnæðinu. Þær framkvæmdir grundvallast á:
- Endurnýjun glugga og hurða
- Endurnýja vatns- og rafmagnslagna
- Endurgerð gólfs á jarðhæð og uppsetning gólfhita
- Drenlögn í kringum bygginguna
- Bættri hljóðvist og lýsingu
- Uppsetning á lyftu
- Vélrænni loftræsingu í öllum rýmum
- Utanússklæðningu og útveggjaeinangrun
Áætlað er að framkvæmd við heildstæða endurgerð hefjist á sumar- eða haustmánuðum árið 2026. Gera má ráð fyrir að framkvæmdir standi yfir í 2 – 3 ár.
Fyrirhugað er að endurgerð húsnæðisins verði Svansvottuð.
Hvernig gengur?
Vetur 2026
Unnið er í að fullgera hönnunargögn á loka mánuðum ársins þannig að þau muni verða tilbúin til útboðsauglýsingar í desember á þessu ári. Stefnt er á að tiboð í heildarendurgerð húsnæðisins verði opnað á fyrstu mánuðum næsta árs og framkvæmdir muni þá hefjast í kjölfarið.
Vor 2026 - Haust 2026
Unnið hefur verið í hönnun á endurgerð húsnæðisins, gert er ráð fyrir að útboðsgögn verði tilbúin til útboðsauglýsingu á haust mánuðum.
Meðfram hönnunarvinnu var unnið í gögnum vegna útboðs á niðurrifi innanhúss, sú vinna var tilbúin í lok vormánuða og sóst var etir tilboðum í gegnum Rammasamninga hjá Reykjavíkurborg. Atlas Verktakar framkvæma niðurrif innanhúss og miðar verkefninu vel áfram, áætlað er að verklok niðurrifs innanhúss verði á haustmánuðum 2026.
Vetur 2025 - Vor 2026
Undirbúningur og hönnun stendur yfir.
Framkvæmd hefur verið umhverfisgreining.
Haust 2025
Starfsemi hefur verið færð í annað húsnæði hjá Reykjavíkurborg.
Vinna í undirbúningsfasa er hafin, verið er að fara yfir valkostagreiningar, fýsileikakönnun og kostnaðarmeta.
Farið verður í förgun lausamuna í húsnæðinu.
