Leikskólinn Laugasól - niðurrif og nýbygging
Myndir
Hvað verður gert?
Áætlaðar voru gagngerar endurbætur á Laugaborgarhúsnæði Laugasólar. Við upphaf framkvæmda komu í ljós verulegir ágallar á burðarvirki hússins og voru því framkvæmdir stöðvaðar.
Nú liggur fyrir ákvörðun um niðurrif hússins og uppbyggingu nýs 10 deilda leikskóla þess í stað. Ráðgert er að ný leikskólabygging muni leysa hvorutveggja Lækjarborgar- og Laugaborgarhúsnæði Laugasólar af hólmi og samhliða fjölga leikskólaplássum í hverfinu umtalsvert.
Hvernig gengur?
September 2026
Niðurrif á húsnæði Laugaborgar hefur verið auglýst til útboðs og tilboð hafa verið opnuð. Áætluð lok framkvæmdatíma er 30. október 2026.
Maí 2026
Unnið er að nýju deiliskipulagi svo sækja megi um heimild til niðurrifs á Laugaborg. Samhliða er unnið að frumhönnun nýs leikskólahúsnæðis á reitnum.
Maí 2025
Spretthópur borgarstjóra um leikskólauppbyggingu skilar frá sér tillögu um að Laugaborgarhúsnæðið verði rifið og þess í stað byggður nýr 10 deilda leikskóli sem rúma muni alls 180 börn.
Ráðgert er að ný leikskólabygging muni leysa hvorutveggja Lækjarborgar- og Laugaborgarhúsnæði Laugasólar af hólmi og samhliða fjölga leikskólaplássum umtalsvert.
Desember 2024
Samþykkt í borgarráði að hætta framkvæmdum við endurgerð hússins og og segja upp verksamningi við verktaka. Samhliða er Umhverfis- og skipulagssviði falið að deiliskipuleggja lóðina upp á nýtt með niðurrif húsnæðisins að markmiði og uppbyggingu nýs leikskólahúsnæðis þess í stað.
Vetur 2024
Við breytingar á húsinu kom í ljós að burðarviki hússins var lélegra en gert var ráð fyrir. Ásamt því kom í ljós að undirstöður hússins og burðarhæfi jarðvegsins undir húsinu voru ekki nægjanleg.
Verið er að skoða næstu skref varðandi framtíðar uppbyggingu.
Haust 2024
Niðurrif og hreinsun að innan hófst í maí 2024. Gluggar fjarlægðir. Grafið frá húsi til að koma fyrir nýjum dren- og fráveitulögnum. Í ljós kom að engir sökklar eru undir húsinu og ekki hægt að koma fyrir hefðbundnum drenlögnum meðfram því. Verk var stöðvað.
Fengin var verkfræðistofa til að gera úttekt á undirstöðum hússins og fyllingu undir því.
Verulegur ágalli er talinn á undirstöðum og ekki raunhæft að halda verki áfram án frekari skoðunar.