Gufunes - Fjölskyldusvæði

Um er að ræða endurbætur og bætt aðgengi á þremur stöðum innan leiksvæðisins í Gufunesi.
Við grillskýlið á að helluleggja stíg og plan fyrir framan skýlið og setja upp sorpeiningar. Sandleiksvæðið verður stækkað og gert aðgengilegra öllum. Við burstabæinn á að útbúa sandleiksvæði fyrir yngstu börnin. Helstu verkþættir eru uppgröftur, fylling, hellulagnir, pallasmíði, gerð graskanta, gúmmímottur í gras og drenering á vatni.