Skráning hefst fyrir skráningardaga haustannar í leikskóla

Haustfrí og jólafrí

Á haustönn er um að ræða þá daga sem grunnskólarnir eru í haustfríi, 22., 23. og 26. október næstkomandi og dagana milli jóla og nýárs 28.-30. desember. Þau sem ætla að nýta sér þjónustu leikskóla borgarinnar á þessum dögum þurfa að skrá börn sín sérstaklega. Skráning fer fram á  Vala leikskóli - Umsóknarvefur  og verður opið fyrir skráningu  10.–20.  september.

Gott að hafa í huga:

• Á skráningardögum er vistun valkvæð.
• Ef óskað er eftir vistun fyrir barn á þessum dögum þarf að skrá það sérstaklega hér og þá eru greiddar 5.000 kr. fyrir hvern dag.
• Veittur er 50% afsláttur fyrir yngra systkini og 100% afsláttur fyrir þriðja barn af gjaldi vegna skráningardaga.
• Ef barn er ekki skráð í vistun er reiknað með að það verði í fríi.
• Hægt er að skrá barn í vistun staka daga eða alla dagana á haustönninni.
• Greitt er fyrir þá daga sem barnið er skráð, sama hvort barnið mætir eða ekki.
• Skráning er bindandi og gildir einungis fyrir þá daga sem barnið er skráð.
• Ekki er unnt að skrá barn eftir að skráningarfresti lýkur þann 20. september.