Getur krakkinn ekki bara fengið einkunn?! - Streymi

Fróðir foreldrar fara aftur af stað eftir sumarfrí og halda nú fund um allt sem þú vilt vita um nýja námskrá og nýtt námsmat á 100 mínútum. Fundurinn er haldinn í Ráðhúsi Reykjavíkur miðvikudaginn 4. október klukkan 20.



Útsending frá fundinum

Dagskrá kvöldsins:

Menntun - til hvers?

Ómar Örn Magnússon, aðstoðarskólastjóri Hagskóla. Í erindi sínu mun Ómar kafa undir yfirborðið og spyrja: Hverjar eru þessar breytingar á námskrá og námsmati? Hvers vegna er verið að gera þær? Hvaða áhrif munu þær hafa? Ómar mun leitast við að ræða breytingarnar í víðu samhengi og velta upp stóru spurningunni um tilgang og gildi menntunar.

Hvernig styð ég barnið mitt í breyttu námsumhverfi – Hæfniviðmið fyrir foreldra!

Arndís Steinþórsdóttir, skólastjóri Háteigsskóla.

Í erindi sínu mun Arndís fjalla um mikilvægi samvinnu foreldra og skóla. Hvað skiptir máli fyrir foreldra að vita í nýju námsumhverfi?

Að samræma, skima og mæla – Til hvers í ósköpunum?

Gylfi Jón Gylfason, kennsluráðgjafi í Miðborg, Vesturbæ og Hlíðum

Í erindi sínu mun Gylfi Jón fjalla um tilgang og markmið samræmdra prófa, skimanna, stöðuprófa og staðlaðra mælinga.

Framsaga skólastjóra

Skólastjórar í grunnskólum Vesturbæjar, Miðborgar og Hlíða munu einnig stíga á svið og lýsa sinni sýn á nám til framtíðar í stuttu máli.

Fundarstjóri er María Reyndal leikkona og leikstjóri.

Veitingar í boði í hléi.