English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Lokahátíð Stóru upplestarkeppninnar í 7. bekk í Laugardal, Háaleitis- og Bústaðahverfi var haldin í Grensáskirkju þriðjudaginn 24.mars. Keppnin var vel sótt af foreldrum, nemendum og skólafólki.
Lesararnir voru 12 og komu frá Breiðagerðisskóla, Fossvogsskóla, Háaleitisskóla, Langholtsskóla, Laugalækjarskóla og Vogaskóla. Undirbúningur þeirra var til fyrirmyndar og voru þeir skólum sínum til mikils sóma.
Að þessu sinni voru skáld keppninnar Guðrún Helgadóttir og Anton Helgi Jónsson. Lesnar voru svipmyndir úr bókinni Öðruvísi fjölskylda eftir Guðrúnu og ýmis ljóð eftir Anton Helga. Einnig lásu keppendur ljóð að eigin vali. Vinningahafar frá 2014 þær Helga Björg og Urður lásu kynningar. Einnig fluttu nemendur úr Tónskóla Sigursveins tónlist milli atriða í dagskránni með glæsibrag. Anna Soffía Hauksdóttir spilaði á fiðlu, Ragnhildur Björt Björnsdóttir á píanó og Kjartan Örn Styrkársson lék á trompet. Meðleikarar voru þær Júlíana Rán Indriðadóttir á píanó og Nína Margrét Grímsdóttir á píanó.
Félag íslenskra bókaútgefenda færði öllum keppendum bók að gjöf með nokkrum ljóðum Antons Helga Jónssonar. Fjögurra manna dómnefnd valdi þrjá keppendur sem sigurvegara og færði Björk Einisdóttir frá Röddum þeim og skólum þeirra viðurkenningarskjöl og Íslandsbanki veitti peningaverðlaun.
Aðrir lesarar og varamenn voru:
Að Stóru upplestrarkeppninni standa ár hvert Raddir; samtök um vandaðan upplestur og framsögn,í samvinnu við skólaskrifstofur, skóla og kennara um land allt. Í Reykjavík annast þjónustumiðstöðvar hverfanna skipulag.
Markmið samtakanna Radda með upplestrarkeppni í 7. bekk er: