English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Íbúar í Breiðholti leggja til hugmyndir fyrir 70 milljónir í hverfakosningunum Betri hverfi 2015. Þeir leggja til að stígurinn milli Fella- og Hólahverfis verði lagfærður, að kröpp beygja á göngustíg á horni Núpabakka og Arnarbakka verði lagfærð og einnig stígar í Seljahverfi.
Aðrar hugmyndir sem lagðar eru fram í Breiðholti er m.a. að fegra borgarlandið umhverfis Mjóddina, gróðursetja tré á lóðinni að Hólabergi 84 og setja upp ungbarnarólur á róluvöllum í Breiðholti. Þetta eru einungis sex af tuttugu verkefnum sem íbúar geta kosið um í Betra hverfi 2015.
Þau tuttugu verkefni sem kosið verður um eru metin á 70 milljónir króna en til framkvæmda eru rúmlega 46 milljónir króna í hverfapotti Breiðholts.
Rafrænar íbúakosningar um verkefni í hverfum borgarinnar hefjast þriðjudaginn 17. febrúar í næstu viku og standa yfir til miðnættis þriðjudaginn 24. febrúar. Til að kjósa þarf að auðkenna sig með rafrænum skilríkjum eða Íslykli og kemst þá kjósandinn inn í rafrænan kjörklefa. Kerfið er afar einfalt í notkun. Aldurstakmark í kosningunum er 16 ár.