English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Íbúar í Grafarholti og Úlfarsárdal leggja til hugmyndir fyrir ríflega 64 milljónir í hverfakosningunum Betri hverfi 2015. Meðal verkefna er hringtorg við gatnamót Vínlandsleiðar og Þúsaldar.
Aðrar hugmyndir sem lagðar eru fram í hverfinu eru útivistarstígar á Hólmsheiði, gróðursetning trjáa neðan við Marteinslaug og æfingatæki við grasvöllinn í Leirdal svo eitthvað sé nefnt. Þetta eru einungis fjórar af fjórtán verkefnum sem íbúar geta kosið um í Betri hverfi 2015.
Þau fjórtán verkefni sem kosið verður um eru metin á rúmar 64 milljónir króna en til framkvæmda eru rúmlega 18 milljónir króna í verkefni í Grafarholti og Úlfarsárdal.
Rafrænar íbúakosningar um verkefni í hverfum borgarinnar hefjast þriðjudaginn 17. febrúar í næstu viku og standa yfir til miðnættis þriðjudaginn 24. febrúar. Til að kjósa þarf að auðkenna sig með rafrænum skilríkjum eða Íslykli og kemst þá kjósandinn inn í rafrænan kjörklefa. Kerfið er afar einfalt í notkun. Aldurstakmark í kosningunum er 16 ár.