English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Vetrarstarf félagsmiðstöðva velferðarsviðs er að hefjast í flestum hverfum borgarinnar. Velferðarsvið rekur 16 félagsmiðstöðvar vítt og breitt um borgina en þar bjóðast öllum borgarbúum, óháð aldri eða búsetu, þátttaka í fjölbreyttu félagsstarfi.
Meðal þess sem hægt er að stunda er tréútskurður, myndlist, tölvunám, boccia, jóga, og handavinna. Í félagsmiðstöðvunum er einnig hægt að taka þátt í spilamennsku, vera með í les- og gönguhópum, dansa og horfa á bíó svo eitthvað sé nefnt. Einnig er boðið upp á kaffi og með því flesta virka daga.
Ekki má gleyma að minna á að í félagsmiðstöðvunum er hægt að kaupa heitan mat í hádeginu alla virka daga og að Vitatorgi er hægt að borða alla daga ársins.
Hægt er að kynna sér dagskrá hverrar félagsmiðstöðvar á heimasíðu borgarinnar.