English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Velferðarsvið Reykjavíkurborgar auglýsir eftir áhugasömum aðilum til að annast námskeið fyrir einstaklinga sem sækja endurhæfingarnámskeið á vegum sviðsins, þ.e. Karlasmiðju, Kvennasmiðju og Grettistak.
Um er að ræða kennslu þar sem þátttakendum er veittur markviss stuðningur til að undirbúa þá til að komast í frekara nám eða út í atvinnulífið.
Um er að ræða reglulegt samstarf við Velferðarsvið varðandi daglega umsýslu verkefnisins og þau álitamál er upp kunna að koma. Kennsla skal fara fram í formi fyrirlestra og verkefnavinnu, auk náms- og starfsráðgjafar. Kennsla, kennslugögn, húsnæði, umsýslukostnaður er innifalið í greiðslum til þjónustusala.
Námsefni, framsetning og framvinda náms er sniðin að þörfum og stöðu þátttakenda. Námsáætlun og stundaskrá skal unnin í nánu samráði við ábyrgðarmenn starfseminnar á Velferðarsviði.
Áhugasamir skili inn umsóknum ásamt kostnaðaráætlun á netfangið stefania.sorheller@reykjavik.is fyrir 30. maí 2014.