English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Föstudaginn 23. maí verður Stóri leikskóladagurinn haldinn í Ráðhúsinu og Iðnó. Leikskólar í borginni munu kunna margvígsleg verkefni úr fagstarfinu og flutt verða áhugaverð erindi.
Í Ráðhúsinu munu á fjórða tug leikskóla sýna metnaðarfull þróunarverkefni og annað starf sem vert er að miðla til fagfólks og almennings. Leikskólar sveitarfélagsins Árborgar eru gestir Reykjavíkur á Stóra leikskóladeginum og munu fimm leikskólar þaðan sýna verkefni úr fagstarfinu. Samhliða kynningum og sýningu verða sex fyrirlestrar haldnir í Iðnó, s.s. um lýðræði í leikskóla, leiklist og gæðastarf með ungum börnum.
Fyrirlestrar í Iðnó
Kl. 08:30-09:00 Ég keyri svona úúúúú ... komin í leikskólann. Rannsóknarvinna þar sem börnin unnu með heimili sitt, leikskólann og leiðina í leikskólann. Fyrirlesarar: Auður Ævarsdóttir og Móheiður Obel - Sæborg.
Kl. 09:00-09:30 Gullin í grenndinni - Samstarfsverkefni leik- og grunnskóla Selfossi. Fyrirlesarar: Anna Gína Aagestad og Ólafur Oddsson - Álfheimum í Árborg.
Kl. 10:30-11:00 Lýðræðisleg augnablik - Þróunarverkefni um lýðræðislega starfshætti í leikskólanum. Fyrirlesari: Kristín Eiríksdóttir - Árbær í Árborg.
Kl. 11:00-11:30 Flæði í leikskólastarfi - Gefin innsýn í leikskólastarf þar sem flæði samkvæmt kenningu Csikszentmihalyi er haft að leiðarljósi. Fyrirlesari: Sara Margrét Ólafsdóttir.
Kl. 13:00-13:45 Skína smástjörnur - Þróun gæðastarfs með ungum börnum í leikskólum í Reykjavík. Kynning á þróunarverkefni sem fengið hefur hvatningarverðlaun skóla- og frístundaráðs. Fyrirlesarar: Kristín Gunnarsdóttir, Eva Hrund Egilsdóttir, Unnur Brynja Guðmundsdóttir, Erla Ragnarsdóttir, Sigrún Ósk Gunnarsdóttir og Ólöf Jóna Sigurjónsdóttir.
Kl. 13:45-14:30 Við viljum gefa börnunum þetta frelsi sem tjáningin er. Fjallað um leiklist í leikskólastarfi. Fyrirlesari: Hildur L. Jónsdóttir - Laufskálum.
Sjá auglýsingu með yfirliti yfir leikskóla sem sýna verkefni sín og þau erindi sem flutt verða.
Myndband frá Stóra leikskóladeginum 2013.
Samtökin Skólaþróun, RannUng, Félag leikskólakennara og Félag stjórnenda í leikskólum standa að Stóra leikskóladeginum ásamt Reykjavíkurborg.