English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Hátt í sex hundruð grunnskólakennarar hafa skráð sig á ráðstefnuna Já, kennari sem haldin verður á öskudag, miðvikudaginn 5. mars.
Ráðstefnan er haldin í samstarfi Skólastjórafélags Íslands, Kennarafélags Reykjavíkur og skóla-og frístundasviðs Reykjavíkur og er stærsti fagvettvangur grunnskólakennara á landinu.
Aðalfyrirlesari er Hans Henrik Knoop, dósent í sálfræði menntunar við kennarasvið Árósarháskóla og forseti European Network for Positive Psychology. Knoop er afar virtur á sínu sviði og hefur m.a. haldið fjölda fyrirlestra á ráðstefnum víða um heiminn. Hann mun í erindi sínu fjalla um mikilvægi þess að allir nái að blómstra í skólastarfi, hvort heldur kennarar eða nemendur.
Ráðstefnugestir geta valið um fimm málstofur þar sem starf kennara og áhersluþættir verða ræddir úr frá ýmsum sjónarhornum, s.s. rannsóknum á læsi, starfendarannsóknum, leiðtogahlutverkinu, útikennslu með notkun kennsluapps og jákvæðri sálfræði. Dönsku hjónin Bo Krüger og Marianne Boye munu stýri málstofu um leiðtogahlutverk kennarans en þau hafa starfað með fjölmörgum skólum í Danmörku.
Ráðstefnan verður haldin á Hilton Reykjavík Nordica og hefst kl. 13.
Hér má sjá upptöku af erindi Hans Henrik Knoop um persónuþroska og ábyrgð.