Myrkurkvöld

Ritstjórn
""

Opið hús á Korpúlfsstöðum fimmtudagskvöldið 28. nóvember.

Korpúlfsstaðir verða opnir frá kl. 17:00-21:00.

Vinnustofur listamanna verða opnar.

Samsýningin „Brotabrot“ í stóra salnum.

Kaffihúsið „Litli bóndabærinn“ verður með veitingar auk þess sem þar verður upplestur:

  • Lísa Rún flytur eigin ljóð
  • Guðný Hallgrímsdóttir les upp úr bók sinni „Sagan af Guðrúnu Ketilsdóttur“ (einsögurannsókn á ævi 18. aldar vinnukonu).

Tónlist mun óma um salarkynni Korpúlfsstaða:

  • Tríóið Dimma mun syngja nokkra negrasálma og jólalög.
  • List Einn: Atli Steinn Hrafnkelsson flytur frumsamin lög.
  • Hjónin Íris Ólöf Sigurjónsdóttir og Hjörleifur Hjartarson koma með tóninn að norðan.
  • Íris Edda Jónsdóttir syngur jólalög við undirleik Ragnars Ólasonar.

Korpúlfar, samtök eldri borgara í Grafarvogi, verða með opið hús hjá sér og bjóða upp á fagran söng og harmonikkuleik.

Gallerí Korpúlfsstaðir opnar kl. 14:00 og verður opið til kl. 21:00. Þess ber að geta að nú stendur yfir LIKE-leikur gallerísins og verður dregið úr pottinum fimmtudagskvöldið 28. nóvember á Myrkurkvöldi Korpúlfsstaða. Verðlaunin eru listmunur að andvirði kr. 15.000,-.

Við hvetjum alla til að taka þátt í leiknum: https://www.facebook.com/gallerikorpulfsstadir