Betri borg - Fundarröð Borgarstjóra

Jón Gnarr borgarstjóri stendur fyrir íbúafundum í öllum hverfum Reykjavíkur dagana 14. - 29. janúar nk. Á morgun, fimmtudaginn 24. janúar er röðin komin að Grafarholti og Úlfarsárdal. Fundurinn er í Sæmundarskóla kl. 17.00.

Fundirnir eru hluti af verkefninu Betri Hverfi en frá 14. janúar hafa Reykvíkingar sett inn hugmyndir að alls kyns smærri verkefnum, nýframkvæmdum og viðhaldsverkefnum, sem ætlað er að bæta íbúahverfi borgarinnar. Tekið er á móti hugmyndum á samráðsvefnum Betri Reykjavík á undirvefnum Betri Hverfi.

Í fyrra bárust hátt í 400 hugmyndir frá borgarbúum um verkefni í hverfunum. Reykjavíkurborg hyggst enn á ný verja 300 milljónum til svokallaðra hverfapotta og geta íbúar hverfanna komið með hugmyndir að verkefnum og síðan kosið um þær í rafrænum íbúakosningum sem haldnar verða dagana 14. - 19. mars nk. með sama hætti og í fyrra.

Íbúar Grafarholts og Úlfarsárdals eru hvattir til að nýta tækifærið, kynna sér verkefnið og koma sjónarmiðum sínum á framfæri.

Saman getum við gert góða borg enn BETRI.

ATH! Fundurinn er tálknmálstúlkaður.