Götur rykbundnar í nótt

Til að draga úr svifryki og bæta loftgæði verður unnið í nótt við að rykbinda götur í Reykjavík. Saltpækli verður úðað í vegkanta stofnbrauta til að binda það ryk sem bílaumferðin annars þeytir upp.  Byrjað verður klukkan þrjú í nótt og haldið áfram þar til þungi verður kominn á morgunumferðina.  Á morgun verður einnig unnið eftir þörfum. 



Um páskana er svo stefnt að því að hefja almenna vorhreinsun á götum borgarinnar.