Götur saltaðar síðasta vetrardag

Allir saltbílar eru úti til að draga úr hálku á götum og hafa þeir verið að síðan hálf fimm í morgun, segir Þorsteinn Birgisson stjórnandi hjá þjónustumiðstöð Reykjavíkurborgar. Einnig eru allar dráttarvélar borgarinnar á stígunum að ryðja.

Víða er hálka í borginni og hefur lögregla frá því í morgun haft uppi varnarorð til vegfarenda um að fara varlega.



Ítarefni:

Almennar upplýsingar um snjóhreinsun og hálkueyðingu í Reykjavík.