Vogaskóli - kennari á unglingastig og í íslenskuver

Vegna forfalla þá vantar kennara á unglingastig og í íslenskuver frá 1. ágúst - 31. desember 2026 og möguleiki á ráðningu út skólaárið. Leitað er eftir metnaðarfullum, sjálfstæðum og drífandi kennara sem er tilbúinn til að sinna kennslu á unglingastigi og í íslenskuveri. Meðal kennslugreina á unglingastigi er danska og upplýsinga - og tæknimennt. Í íslenskuveri er það íslenskukennsla. Þar eru nemendur sem eru nýfluttir til Íslands og eru að hefja nám í íslensku. Þeir eru á aldrinum 10 - 16 ára.

Vogaskóli er heildstæður grunnskóli með um 430 nemendur og um 80 starfsmenn. Skólinn er staðsettur við Skeiðarvog í Vogahverfinu í Reykjavík. Þar er einnig sérdeild fyrir einhverfa nemendur. Unnið er eftir menntastefnu Reykjavíkur ,,Látum draumana rætast“, uppbyggingarstefnunni og verið er að innleiða aðferðir leiðsagnarnáms. Í skólanum ríkir jákvæður skólabragur sem einkennist af virðingu, samkennd, samvinnu, gleði og ábyrgð. Við skólann er íslenskuver borgarhlutans, fyrir nemendur í 5. - 10. bekk sem eru nýfluttir til Íslands og eru að hefja nám í íslensku. 

Helstu verkefni og ábyrgð

• Kennsla á unglingastigi og í íslenskuveri.
• Vinna að þróun skólastarfs í samstarfi við aðra starfsmenn skólans.
• Stuðla að velferð nemenda í samstarfi við fagfólk og foreldra.

Hæfniskröfur

• Leyfi til að nota starfsheitið kennari
• Menntun og hæfni til að kenna flestar greinar á miðstigi
• Íslenskukunnátta á stigi B1 samkvæmt evrópska tungumálarammanum Self-assessment Grids (CEFR) - European Language Portfolio (ELP) (coe.int)
• Sveigjanleiki og góð hæfni í samskiptum
• Faglegur metnaður, frumkvæði og sjálfstæði
• Góð almenn tölvukunnátta

Frekari upplýsingar um starfið

Starfið er laust frá og með 1. ágúst 2026. Launakjör eru samkvæmt kjarasamningi KÍ og launanefndar sveitarfélaga. Fólk af öllum kynjum er hvatt til að sækja um.

Nánari upplýsingar um starfið veitir Snædís Valsdóttir, skólastjóri, snaedis.valsdottir@reykjavik.is sími: 411-7370.