Enskukennsla á unglingastigi

Háteigsskóli óskar eftir að ráða kennara í ensku á unglingastigi fyrir skólaárið 2026-2027.

Háteigsskóli er heildstæður grunnskóli með um 510 nemendur, staðsettur á horni Háteigsvegar og Bólstaðarhlíðar. Í Háteigsskóla er metnaðarfullt skólastarf sem einkennist af framþróun í þágu náms fyrir alla með virðingu fyrir fjölbreytileika, mismunandi þörfum, hæfileikum og einkennum sérhvers nemanda í fyrirrúmi. Samskiptafærni og líðan allra í skólasamfélaginu eru í öndvegi ásamt því að efla seiglu og trú á eigin getu. Skólastarfið byggir á menntastefnu Reyjavíkurborgar, leiðsagnarnámi og teymiskennslu þar sem sameiginleg ábyrgð kennara er á sérhverjum nemendahópi.

Háteigsskóli leggur ennfremur áherslu á góðan starfsanda og hefur skólinn hlotið viðurkenninguna Fyrirmyndarstofnun síðastliðin þrjú ár í röð í vali á stofnun ársins. Stofnun ársins er samstarfsverkefni Sameykis, Fjármála- og efnahagsráðuneytisins, Reykjavíkurborgar og fjölmargra annarra stofnana en hún nær til um 35.000 manns á opinberum vinnumarkaði. Tilgangur með vali á Stofnun ársins er að taka eftir og verðlauna vinnustaði sem ná framúrskarandi árangri við stjórnun mannauðs.

Einkunnarorð skólans eru virðing, samvinna og vellíðan.

Um er að ræða 100% stöðu tímabundið með möguleika á áframhaldandi ráðningu.

Staðan er laus frá 1. ágúst 2026 og er til eins árs með möguleika á áframhaldandi ráðningu.

Helstu verkefni og ábyrgð

• Kennsla nemenda í samráði við skólastjórnendur, aðra kennara og foreldra.
• Stuðla að velferð nemenda í samstarfi við foreldra og annað fagfólk.

Hæfniskröfur

• Kennaramenntun áskilin.
• Áhugi á að starfa með börnum.
• Góð þekking á leiðsagnarnámi. 
• Reynsla og menntun sem nýtist í enskukennslu.
• Sveigjanleiki og framúrskarandi hæfni í samskiptum.
• Áhugi á að starfa í skapandi og metnaðarfullu umhverfi.
• Faglegur metnaður, frumkvæði og sjálfstæði.
• Framúrskarandi íslenskukunnátta.
• Góð færni í upplýsingatækni og námsmati í Mentor. 
• Teymishugsun.

Frekari upplýsingar um starfið. 

Laun eru samkvæmt samningi Sambands íslenskra sveitafélaga og KÍ.

Nánari upplýsingar um starfið veitir Guðrún Helga Sigfúsdóttir skólastjóri í síma 4116870 eða í tölvupósti gudrun.helga.n.sigfusdottir@reykjavik.is