Síðustu lóðirnar í Blesugróf seldar

mánudagur, 1. desember 2014

Síðustu lóðirnar sem voru boðnar til sölu í Blesugróf hafa verið seldar og hefur borgarráð samþykkt úthlutun þeirra.  Af lóðum í grónum hverfum sem Reykjavíkurborg setti í sölu er aðeins ein lóð eftir.

  • Lóðir í Blesugróf eru seldar.
    Lóðir í Blesugróf eru seldar.

Lóðirnar eru samliggjandi við Blesugróf nr. 30, 32 og 34. Þær eru rúmlega 600 til 740 fermetra stórar og er viðmiðunarstærð húss á bilinu 275 – 300 fermetrar.  Hver lóð bíður upp á möguleika fyrir tvær íbúðir. Verð fyrir hverja lóð var 13 milljónir króna. Kaupandi er Sýrfell ehf. og gerir eigandi þess ráð fyrir að framkvæmdir á lóðunum geti hafist innan tveggja ára.

Af þeim lóðum í grónum hverfum sem Reykjavíkurborg hefur verið með til sölu er aðeins lóð við Lambasel 38 nú í boði. (sjá nánar á lóðavef >  Lausar lóðir í grónum hverfum.