Næturakstur Strætó hefst um helgina

miðvikudagur, 10. janúar 2018

Næturakstur Strætó hefst aðfaranótt laugardagsins 13. janúar en sex leiðir verða í þessum akstri. Leigubílstjórar geta ekki nýtt sér biðstöð strætisvagna við Lækjartorg (sérrein til suðurs) um helgar frá kl. 01-04 þessar nætur. 

  • Næturakstur Strætó hefst um helgina.
    Næturakstur Strætó hefst um helgina.

Næturakstur Strætó hefst næstu helgi eða aðfararnætur 13. og 14. janúar. Sex leiðir munu almennt sinna næturakstri úr miðbæ Reykjavíkur aðfararnætur laugar- og sunnudaga. Leiðirnar munu aka á um það bil klukkutíma fresti eða frá klukkan 01:00 til um 04:30. Sjá nánari upplýsingar um næturakstur Strætó.

Næturaksturinn hefur það í för með sér að leigubílstjórar geta ekki nýtt sér biðstöð strætisvagna við Lækjartorg (sérrein til suðurs) um helgar frá kl. 01-04 eins og tíðkast hefur undanfarið. Leigubílar hafa áfram skilgreinda aðstöðu neðst í Hverfisgötu, í Aðalstræti og í Lækjargötu við Bernhöftstorfu.

Tengill

Kort - leigubílar

Næturstrætó