Frítt í strætó föstudaginn 22. september í tilefni af evrópskri samgönguviku 2017. Allir Evrópubúar eru hvattir til að sinna erindum sínum án þess að nota einkabílinn.
Í tilefni dagsins fer hjólalest af stað frá Suðurveri klukkan níu. Hjólalestin mun hjóla sem leið liggur til Hafnarfjarðar þar sem hin árlega hjólaráðstefna hefst í Bæjarbíó kl. 9:20. – Hjólum til framtíðar – Ráðstefnan er haldin í samvinnu við öll sveitarfélögin á höfuðborgarsvæðinu og hægt er að skrá sig á ráðstefnuna á www.lhm.is.
Á sama tíma verður hjólastígurinn í Fossvoginum, sem tengir saman Reykjavík og Kópavog, opnaður eða klukkan 9.05. Þaðan verður líka hægt að hjóla saman í Hafnarfjörðinn á hina árlegu hjólaráðstefnuna.
Málþing var haldið síðastliðinn mánudag um samgöngustefnur fyrirtækja og stofnana og eru fyrirlestrar nú aðgengilegir á netinu.
Tenglar