Tillaga að starfsleyfi - Skipasmíði og skipaviðgerðir, Ægisgarði 1 og 7
Heilbrigðiseftirlit Reykjavíkur hefur unnið tillögu að starfsleyfi fyrir Vélsmiðju Orms og Víglundar ehf. við Ægisgarð 1 og 7 vegna eigendaskipta. Um er að ræða skipasmíði og skipaviðgerðir. Í tillögunni er lagt til að um starfsemina gildi almenn starfsleyfisskilyrði heilbrigðisnefndar Reykjavíkur fyrir mengandi starfsemi og sértæk starfsleyfisskilyrði fyrir Vélsmiðju Orms og Víglundar ehf. (kt. 480998-2789) á athafnasvæði að Ægisgarði 1 og 7. Lagt er til að gildistími verði 12 ár. Gögn vegna tillögunnar eru aðgengileg á vef Heilbrigðiseftirlits Reykjavíkur https://reykjavik.is/tillogur-ad-starfsleyfi-i-auglysingu á tímabilinu 17. september til 15. október 2024. Á þeim tíma er öllum heimilt að senda inn athugasemdir og ábendingar við tillöguna. Athugasemdir skulu vera skriflegar og sendar Heilbrigðiseftirliti Reykjavíkur, Borgartúni 12-14, 105 Reykjavík eða með tölvupósti á netfangið heilbrigdiseftirlit@reykjavik.is.