Reglur og skilmálar vegna sumarstarfa

Sumarstörf hjá Reykjavíkurborg 2024

  1. Almennt er opið fyrir umsóknir um sumarstörf hjá Reykjavíkurborg frá 12. febrúar til 3. mars. Vakin er athygli á því að umsóknarfrestur getur verið lengri vegna starfa á ákveðnum starfsstöðvum borgarinnar sökum eðli starfseminnar. Nánari upplýsingar um umsóknarfresti er að finna á www.reykjavik.is/sumarstorf.
     
  2. Markmiðið er að bjóða ungmennum, fæddum 2007 og eldri, almenn sumarstörf og afleysingastörf hjá stofnunum borgarinnar.
     
  3. Almennt þurfa umsækjendur að hafa náð 20 ára aldri til að vera ráðnir sem leiðbeinendur á sumarnámskeiðum eða við öryggisstörf. Hjá Vinnuskóla Reykjavíkur er lágmarksaldur leiðbeinenda 22 ár en liðsmanna og aðstoðarleiðbeinenda 20 ár.
     
  4. Ráðningatími er 4 - 12 vikur.
     
  5. Þau ungmenni sem lögheimili eiga í Reykjavík hafa forgang í störf hjá Reykjavíkurborg.
     
  6. Umsókn um starf jafngildir ekki ráðningarsamningi.
     
  7. Ef umsækjandi fær höfnun á starfsumsókn sinni, getur hann mögulega fengið tilboð um starf á annarri starfsstöð Reykjavíkurborgar.
     
  8. Sérstakar reglur eru um Skapandi sumarstörf en þar starfar sérstakur faghópur að úrvinnslu umsókn, sjá nánar í viðkomandi umsóknum.
     
  9. Einungis er hægt að sækja um störf rafrænt á sumarstarfasíðu.
     
  10. Reykjavíkurborg áskilur sér rétt til að breyta reglum þessum án fyrirvara.
     
  11. Hitt húsið býður upp á aðstoð fyrir einstaklinga 16-25 ára í leit að sumarstarfi.

Nánari upplýsingar veitir:

Skrifstofa ráðninga og mönnunar

Mannauðs- og starfsumhverfissvið

netfang: mannaudur@reykjavik.is