Aðstoðarskólastjóri

Leitað er að leiðtoga sem hefur brennandi áhuga á skólastarfi og velferð barna, býr yfir sterkri faglegri sýn og hefur getu til að efla samstarf, þróun og árangur í öflugu teymi starfsfólks.

Aðstoðarskólastjóri er hluti af stjórnendateymi skólans og gegnir mikilvægu hlutverki í stefnumótun, þróun og daglegri stjórnun skólans.

Sæmundarskóli er heildstæður grunnskóli með tæplega fjögurhundruð nemendur í 1. – 10. bekk. Skólinn er staðsettur í einstöku umhverfi í Grafarholti. Við skólinn starfa um 60 starfsmenn.

Áhersla Sæmundarskóla er m.a. á teymiskennslu, leiðsagnarnám, nýbreytni og skólaþróun.

Einkunnarorð Sæmundarskóla eru gleði, virðing og samvinna þau eru leiðarljós í starfinu og setja tóninn fyrir skólabraginn þar sem allir eru að læra.

Helstu verkefni og ábyrgð

• Að leiða daglega stjórnun skólans í samstarfi við skólastjóra og aðstoðarskólastjóra sem gegnir staðgengilshlutverki skólastjóra í hans fjarveru.
• Að móta og framfylgja sýn og stefnu skólans í samstarfi við starfsfólk og nemendur.
• Að leiða skipulag og þróun helstu þátta skólastarfs í samstarfi við stjórnunarteymi skólans.
• Að efla öflugt samstarfi innan skólasamfélagsins og stuðla að farsælum samskiptum.
• Að standa vörð um farsæld, velferð og nám nemenda í samstarfi við foreldra og fagfólk.
• Að vera faglegur leiðtogi á sviði kennslu, skólaþróunar og nýbreytni.
• Að efla jákvæða starfsmenningu, faglegt lærdómssamfélag og teymisvinnu meðal starfsfólks.

Hæfniskröfur

• Leyfi til að nota starfsheitið kennari.
• Framhaldsnám og/eða reynsla af stjórnun og/eða þróunarstarfi í grunnskóla æskileg.
• Þekking og reynsla af kennslu á grunnskólastigi.
• Leiðtoga- og stjórnunarhæfileikar.
• Reynsla og áhugi á að starfa í hvetjandi og árangursríku skólasamfélagi.
• Framúrskarandi samskiptahæfileikar og sveigjanleiki í starfi.
• Faglegur metnaður, sjálfstæði, skipulagshæfileikar og frumkvæði.
• Íslenskukunnátta C1 samkvæmt samevrópskum staðli um tungumálakunnáttu.
• Hreint sakavottorð í samræmi við lög sem og reglur Reykjavíkurborgar.

Nánari upplýsingar

Umsókn skal einnig fylgja kynningarbréf með rökstuðningi fyrir hæfni umsækjanda til starfsins, upplýsingum um farsæl verkefni sem hann hefur leitt í skólastarfi, ásamt upplýsingum um umsagnaraðila og öðrum gögnum sem málið varðar.

Ráðið verður í starfið frá og með 1. nóvember 2026.

Nánari upplýsingar um starfið veitir G Eygló Friðriksdóttir, skólastjóri gudjona.eyglo.fridriksdottir@reykjavik.is