Vakstjóri Sundhöll Reykjavíkur

Sundhöll Reykjavíkur óskar eftir vaktstjóra til starfa. Um er að ræða 100% starf.

Sundlaugarnar eru tilvalinn starfsvettvangur fyrir fólk sem vill vinna í fjörugu og skemmtilegu umhverfi og hefur ánægju af því að umgangast og þjónusta viðskiptavini.

Starfsfólk vinnur á sviði íþrótta-og tómstunda og eru lykillinn að því að veita viðskiptavinum sínum fyrsta flokks þjónustu. Lögð er áhersla á jafnrétti, starfsþróun og vellíðan starfsfólks.

Verksvið eða meginverkefni starfs

• Stýrir verkaskiptingu á milli starfsfólks innan vaktar.
• Sér um skipulagningu vakta og afleysingu vegna fjarvista og veikinda.
• Móttaka og þjálfun nýs starfsfólks á vakt samkvæmt verkferlum (þjálfunaráætlun). 
• Hefur eftirlit með húsnæði, áhöldum, leiktækjum og vélbúnaði, kemur ábendingum áleiðis eftir því sem við á ásamt því að lagfæra og þrífa eftir því sem við verður komið. 
• Hefur eftirlit með afgreiðslu og kortakerfi ásamt skiptimynt og uppgjöri. 
• Sér um innkaup í samráði við forstöðumann.
• Sér um móttöku á vörum og frágangi eða förgun á sorpi. 
• Stýrir reglulegum vaktfundum einu sinni til tvisvar í mánuði. 
• Stýrir neyðaræfingum mánaðarlega.
• Þátttaka í vaktstjórafundum og forstöðumannafundum eftir þörfum. 
• Ber ábyrgð á í samráði við forstöðumann að stefnum Reykjavíkurborgar sé framfylgt 
• Annast önnur þau störf sem vaktstjóra kunna að vera falin af forstöðumanni og falla innan eðlilegs stafsviðs hans. 

Ábyrgð í starfi

• Vaktstjóri ber ábyrgð á vaktinni og er verkstjórnandi þar sem hann hefur umsjón með daglegum störfum starfsfólks. Vaktstjóri heyrir sjálfur undir forstöðumann. 
• Yfirumsjón með skipulagningu, eftirliti og mönnun vakta. 
• Framkvæmd og eftirlit með öryggismálum, upplýsingar um öryggismál til starfsfólks og gesta. 
• Ber ábyrgð á að unnið sé samkvæmt starfs- og verklýsingum og umgengnisreglum.
• Vaktstjóri ber ábyrgð á daglegu uppgjöri og hefur yfirumsjón með afgreiðslu- og kortakerfi.
• Vaktstjóri ber ábyrgð á að reglugerð um hollustuhætti á sund- og baðstöðum sé framfylgt.
• Vakstjóri þarf að geta gengið í öll störf innan vaktar.

Hæfniskröfur

• Góð almenn menntun sem nýtist í starfi sambærileg stúdents- eða sveinsprófi eða jafngildrar þekkingar á starfssviðinu. 
• Nám eða námskeið á sviði stjórnunar eða þjónustumála. 
• Reynsla af verk- og starfsmannastjórnun.
• Reynsla af þjónustustarfi. 
• Skipulagshæfileikar. 
• Hæfni í mannlegum samskiptum.
• Þjónustulund. 
• Frumkvæði og sjálfstæð vinnubrögð. 
• Almenn tölvukunnátta skilyrði. 
• Gott vald á íslensku máli (B2).
• Gott vald á ensku (B2).
• Krafa um endurmenntun í skyndihjálp og sérhæft námskeið um björgun úr laug og æskilegt að standast árlegt hæfnispróf laugarvarða. 
• Hreint sakavottorð. 
• Umsækjendur þurfa að hafa náð 18 ára aldri. 
• Laun eru samkvæmt samningi Reykjavíkurborgar og Sameykis. 

Vinsamlegast látið ferilskrá fylgja með í viðhengi.