Upplýsingatækni- og bókasafnsstarfsmaður

Hagaskóli leitar að öflugum upplýsingatækni og bókasafnsstarfsmanni til starfa. Um er að ræða fullt starf frá 15. ágúst næstkomandi.

Hagaskóli er safnskóli í Vesturbæ Reykjavíkur með tæplega 600 nemendur í 8.–10. bekk. Í Hagaskóla er lögð áhersla á jákvæðan skólabrag, samvinnu, fjölbreytta kennsluhætti, leiðsagnarnám, skapandi verkefni og innleiðingu á Menntastefnu Reykjavíkurborgar. Skólinn hefur tekið þátt í fjölbreyttum þróunarverkefnum á liðnum árum.

Starfið felur annars vegar í sér umsjón með upplýsingatækni og tæknibúnaði skólans og hins vegar þátttöku í daglegum rekstri og þróun bókasafns skólans. Við leitum að lausnamiðuðum og hugmyndaríkum einstaklingi sem hefur mikinn áhuga á tækni, þjónustu, bókum og skólastarfi. Umsóknum skal fylgja yfirlit yfir nám og fyrri störf auk annarra gagna er málið varðar.

Helstu verkefni og ábyrgð

• Veita nemendum og starfsfólki þjónustu og stuðning vegna upplýsingatækni.
• Hafa umsjón með tölvu- og tæknibúnaði skólans.
• Halda utan um fartölvur, spjaldtölvur og annan nemendabúnað.
• Annast umsýslu aðgangsheimilda nemenda og starfsfólks.
• Veita ráðgjöf og stuðning við notkun stafrænna lausna í skólastarfi.
• Hafa umsjón með hljóð-, ljós- og sviðsbúnaði skólans.
• Taka þátt í daglegum rekstri bókasafns skólans.
• Vinna að þróun bókasafns sem lifandi náms-, menningar- og samverurýmis.
• Taka þátt í þróun skólastarfs í samstarfi við stjórnendur og samstarfsfólk.
• Vinna samkvæmt stefnu skólans.

Menntunar- og hæfniskröfur

• Menntun og/eða reynsla sem nýtist í starfi.
• Mjög góð þekking og reynsla af upplýsingatækni og tæknilausnum.
• Reynsla af umsjón og viðhaldi tölvu- og tæknibúnaðar er kostur.
• Góð þekking á fjölbreyttum tæknibúnaði og stafrænum vinnuumhverfum.
• Frumkvæði, faglegur metnaður og sjálfstæð vinnubrögð.
• Skipulagshæfni og hæfni til að forgangsraða verkefnum.
• Lipurð í samskiptum og rík þjónustulund.
• Áhugi á að starfa með unglingum og í skapandi skólasamfélagi.
• Hugmyndaauðgi og áhugi á að þróa bókasafn skólans.
• Íslenskukunnátta á stigi C1 samkvæmt evrópska tungumálarammanum.

Laun eru samkvæmt kjarasamningi Reykjavíkurborgar og viðkomandi stéttarfélags.

Frekari upplýsingar veitir Guðrún Inga Tómasdóttir, deildarstjóri mannauðs og rekstrar í Hagaskóla, gudrun.inga.tomasdottir@reykjavik.is