Norðlingaskóli - Kennari í hönnun og smíði
Norðlingaskóli leitar að kennara í hönnun og smíði til að ganga til liðs við kraftmikinn og skapandi starfsmannahóp. Um er að ræða 100% tímabundið starf vegna forfalla frá 1. ágúst 2026 fram að áramótum, með möguleika á framlengingu.
Í list- og verkgreinateymi skólans starfar öflugur hópur kennara sem vinnur náið saman að fjölbreyttum og skapandi verkefnum með nemendum. Samstarf list- og verkgreinakennara við aðra kennara skólans er m.a. í gegnum smiðjuvinnu þar sem unnið er að þemaverkefnum og leiklistarsýningum. Góð aðstaða til list- og verkgreinakennslu styður við samstarf, samþættingu námsgreina og skapandi skólastarf.
Í Norðlingaskóla er lögð áhersla á teymiskennslu, samkennslu árganga, einstaklingsmiðað nám, smiðjuvinnu, náið samráð við foreldra, nýbreytni og skólaþróun. Allt skólastarf byggir á teymisvinnu starfsfólks.
Norðlingaskóli er heildstæður grunnskóli með rúmlega 500 nemendur í 1. – 10. bekk. Skólinn er staðsettur í einstöku umhverfi í Norðlingaholti og er mikilvægur hluti af samfélaginu. Við skólann er samþætt grunnskóla- og frístundastarf.
Stefna og starf skólans grundvallast á því lífsviðhorfi að hverjum einstaklingi skuli búinn námsskilyrði svo hann megi þroskast og dafna á eigin forsendum og útskrifast úr grunnskóla sem sjálfstæður, sterkur og lífsglaður einstaklingur.
Helstu verkefni
- Annast kennslu nemenda í samstarfi við skólastjórnendur og aðra kennara.
- Stuðlar að velferð nemenda í samstarfi við foreldra og annað fagfólk.
- Tekur þátt í þróun skólastarfs með stjórnendum og samstarfsfólki.
Hæfniskröfur
- Leyfi til að nota starfsheitið kennari.
- Menntun og/eða reynsla á sviði hönnunar og smíði.
- Hæfni í mannlegum samskiptum og sveigjanleiki í starfi.
- Faglegur metnaður og frumkvæði í starfi.
- Áhugi á skapandi kennsluháttum og þróun skólastarfs.
- Reynsla og áhugi á að starfa með börnum.
- Áhugi og vilji til að starfa í teymisvinnu.
- Góð íslenskukunnátta skilyrði.
Frekari upplýsingar um starfið
Laun eru samkvæmt samningi Sambands íslenskra sveitarfélaga og Félags grunnskólakennara.
Umsækjendur eru beðnir um að senda umsókn ásamt fylgiskjölum, þar á meðal leyfisbréfi til kennslu, í gegnum vef Reykjavíkurborgar um laus störf þar sem starfið er auglýst.
Frekari upplýsingar um Norðlingaskóla má finna á heimasíðu skólans: nordlingaskoli.is.
Nánari upplýsingar um starfið veitir Aðalbjörg Ingadóttir, skólastjóri, í gegnum netfangið adalbjorg.ingadottir@reykjavik.is