Stuðningsfulltrúi skólaárið 2025 - 2026

Háteigsskóli óskar eftir að ráða stuðningsfulltrúa fyrir skólaárið 2026-2027.

Háteigsskóli er heildstæður grunnskóli með um 510 nemendur, staðsettur á horni Háteigsvegar og Bólstaðarhlíðar. Í Háteigsskóla er metnaðarfullt skólastarf sem einkennist af framþróun í þágu náms fyrir alla með virðingu fyrir fjölbreytileika, mismunandi þörfum, hæfileikum og einkennum sérhvers nemanda í fyrirrúmi. Samskiptafærni og líðan allra í skólasamfélaginu eru í öndvegi ásamt því að efla seiglu og trú á eigin getu. Skólastarfið byggir á menntastefnu Reyjavíkurborgar, leiðsagnarnámi og teymiskennslu þar sem sameiginleg ábyrgð kennara er á sérhverjum nemendahópi.

Háteigsskóli leggur ennfremur áherslu á góðan starfsanda og hefur skólinn hlotið viðurkenninguna Fyrirmyndarstofnun síðastliðin þrjú ár í röð í vali á stofnun ársins. Stofnun ársins er samstarfsverkefni Sameykis, Fjármála- og efnahagsráðuneytisins, Reykjavíkurborgar og fjölmargra annarra stofnana en hún nær til um 35.000 manns á opinberum vinnumarkaði. Tilgangur með vali á Stofnun ársins er að taka eftir og verðlauna vinnustaði sem ná framúrskarandi árangri við stjórnun mannauðs.

Einkunnarorð skólans eru virðing, samvinna og vellíðan.

Um er að ræða 75% stöðu tímabundið með möguleika á áframhaldandi ráðningu.

Staðan er laus frá 1. ágúst 2027 og er til eins árs með möguleika á áframhaldandi ráðningu.

Helstu verkefni og ábyrgð

• Vera kennara til aðstoðar vegna sértækra þarfa nemenda.
• Að aðstoða nemendur eftir þörfum hvers og eins.
• Að auka færni og sjálfstæði nemenda félagslega og námslega.
• Stuðla að velferð nemenda í samstarfi við foreldra og annað fagfólk.

Hæfniskröfur

• Æskilegt er að umsækjandi hafi eynslu í vinnu með börnum í grunnskóla, leikskóla, frístundastarfi eða tómstundastarfi.
• Frumkvæði í starfi og áhugi á skólaþróun. 
• Lipurð og færni í mannlegum samskiptum. 
• Íslenskukunnáttu á stigi B2 samvæmt evrópska tungumálarammanum.

Hlunnindi í starfi

• Menningar- og bókasafnskort.
• Samgöngustyrkur.
• Sundkort.
• Heilsuræktarstyrktur.

Nánari upplýsingar um starfið veitir Guðrún Helga Sigfúsdóttir skólastjóri á netfanginu gudrun.helga.n.sigfusdottir@reykjavik.is