Teymisstjóri í heimastuðningi Hátúni

Heimaþjónusta Reykjavíkur Norðvestur óskar eftir öflugum teymisstjóra til að stýra teymi sem sinnir félagslegum heimastuðningi. Um er að ræða ótímabundið starf í dagvinnu.

Unnið er eftir samþættri þjónustu heimastuðnings, heimahjúkrunar og endurhæfingarteymis með það að markmiði að veita örugga og góða þjónustu við fólk í heimahúsum. Heimastuðningur veitir þjónustu eftir stuðningsáætlun sem gerð hefur verið við notendur á heimilum þeirra, s.s. aðstoð við heimilishald, þrif, félagslegan stuðning, persónulega umhirðu o.fl. Veittur er sérstakur stuðningur við ákveðna einstaklinga til að rjúfa félagslega einangrun og við þátttöku í daglegu lífi.

Helstu verkefni og ábyrgð

• Ber ábyrgð á samþættingu þjónustu, daglegri stjórnun, skipulagningu og umsjón með framkvæmd félagslegs heimastuðnings
• Hefur yfirsýn yfir þarfir notenda og veitir upplýsingar og ráðgjöf varðandi þá þjónustu sem í boði er
• Ber ábyrgð á nýmati, endurmati og færni-og heilsumati þjónustunnar
• Gerð þjónustusamnings og stuðningsáætlunar út frá fyrirliggjandi upplýsingum
• Stjórnun starfsmannamála og framkvæmd starfsmannastefnu
• Hefur daglega umsjón með vinnuskipulagi og er starfsmönnum til ráðgjafar og stuðnings í málum sem upp koma í starfi.
• Stýrir fundum og teymisvinnu sem tengjast starfinu
• Önnur þau störf sem starfsmanni kunna að vera falinn af yfirmanni

Menntunar- og hæfniskröfur

• Háskólamenntun sem nýtist í starfi á sviði félags-, heilbrigðis- eða menntavísinda.
• Háskólamenntun á framhaldsstigi sem nýtist í starfi æskileg.
• Reynsla af verkefna/breytingarstjórnun æskileg
• Reynsla af stjórnun og starfsmannamálum
• Reynsla af þverfaglegu starfi og teymisvinnu
• Þekking á sviði félagslegrar þjónustu
• Leiðtogahæfni og framúrskarandi hæfni í mannlegum samskiptum
• Frumkvæði, skipulagshæfni og sjálfstæð vinnubrögð
• Góð tölvuþekking
• Íslenskukunnátta á bilinu B2-C1 (í samræmi við samevrópskan tungumálaramma)
• Hreint sakavottorð í samræmi við lög og reglur Reykjavíkurborga.
• Reynsla og þekking á fólki með fjölþættan vanda kostur

Fríðindi í starfi

• Samgöngustyrkur
• Heilsustyrkur
• Stytting vinnuvikunnar
• Menningarkort Reykjavíkur
• Frítt í sundlaugar Reykjavíkur

Nánari upplýsingar um starfið

Laun eru samkvæmt samningi Reykjavíkurborgar og Sameykis.

Upplýsingar um starfið veitir Hrefna guðmundsdóttir deildarstjóri, í gegnum netfangið hrefna.gudmundsdottir@reykjavik.is eða í síma 411-1590.