Deildarstjóri á ungbarnadeild Bakkaborgar

Við óskum eftir leikskólakennara sem er tilbúinn til að taka þátt í að þróa starfið með okkur og vera partur af okkar faglega og skemmtilega samfélagi.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Viðkomandi vinnur að uppeldi og menntun leikskólabarna samkvæmt starfslýsingu deildarstjóra, þ.m.t:

• Vinnur að uppeldi og menntun leikskólabarna samkvæmt lögum um leikskóla, aðalnámskrá leikskóla, stefnu og skipulagi.
• Ber ábyrgð á að unnið sé eftir skólanámskrá og starfsáætlun leikskólans á deildinni.
• Annast daglega verkstjórn á deild, skipulagningu, framkvæmd og mati deildarstarfs.
• Ber ábyrgð á upplýsingagjöf og samvinnu við foreldra.
• Hefur umsjón með móttöku, þjálfun og leiðsögn nýrra starfsmanna á deildinni.
• Er í stjórnendateymi leikskólans og tekur þátt í gerð skólanámskrár, starfsáætlunar og þróunarverkefnum.

Menntunar- og hæfniskröfur

• Leyfisbréf leikskólakennara/kennara
• Reynsla af uppeldis- og kennslustörfum með ungum börnum æskileg.
• Lipurð og sveigjanleiki í samskiptum.
• Frumkvæði í starfi og faglegur metnaður.
• Sjálfstæð og skipulögð vinnubrögð.
• Tölvukunnátta.
• Hreint sakavottorð í samræmi við lög og reglur Reykjavíkurborgar
• Íslenskukunnátta á stigi B2 samkvæmt evrópska tungumálarammanum.

Fríðindi í starfi

• Frítt fæði.
• Frítt í sund í allar sundlaugar í Reykjavík.
• Samgöngusamningur ef notaður er vistvænn ferðamáti að mestu leyti.
• Forgangur fyrir barn í leikskóla í Reykjavík.
• Afsláttur af leikskólagjaldi fyrir barn í leikskóla í Reykjavík.
• 36 - 38 stunda vinnuvika fyrir fullt starf.
• Menningarkort – bókasafnskort
• Heilsuræktarstyrkur

Nánari upplýsingar veitir:

Elín Freyja Eggertsdóttir

Leikskólastjóri

Sími 4113240

bakkaborg@reykjavik.is