Leikskólakennari/leiðbeinandi óskast til starfa

Blásalir er fjögurra deilda leikskóli við Brekknaás í Árbæ. Áhersla er lögð á útiveru, skapandi starf og gleði. Leikskólinn er með Grænfánann og eru græn gildi og útikennsla einkennandi fyrir starfið. Uppeldisstefna skólans er að miklu leiti byggð á kenningu John Dewey um nám barna. Lögð er áhersla á að efla virðingu fyrir einstaklingnum, sjálfshjálp, félagsfærni og snemmtæka íhlutun. Leiðarljós leikskólans er ,,heilbrigð sál í hraustum líkama” sem vísar til þess að börnin þurfa að borða hollan mat, fá góða hreyfingu og reglulegan svefn til að geta notið þess að vera úti í náttúrunni í hvaða veðri sem er.

Einkunnarorð leikskólans eru Virðing - Gleði - Hreysti - Sköpun

Ef ekki fæst leikskólakennari til starfa er leitað eftir einstaklingi með aðra menntun og/eða reynslu sem nýtist í starfið.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

Að vinna að uppeldi og menntun leikskólabarna samkvæmt starfslýsingu leikskólakennara, þ.m.t. að taka þátt í skipulagningu faglegs starfs og foreldrasamstarfi undir stjórn deildarstjóra.

Hæfniskröfur

• Leikskólakennaramenntun, eða önnur uppeldismenntun æskileg
• Reynsla af uppeldis- og kennslustörfum með ungum börnum æskileg
• Lipurð og sveigjanleiki í samskiptum
• Frumkvæði í starfi og faglegur metnaður
• Sjálfstæð og skipulögð vinnubrögð
• Hreint sakavottorð í samræmi við lög og reglur Reykjavíkurborgar
• Góð íslenskukunnátta skilyrði B2 samkvæmt evrópska tungumálarammanum

Fríðindi í starfi

• Menningarkort – bókasafnskort
• Samgöngustyrkur
• Sundkort
• 36 stunda vinnuvika fyrir fullt starf
• Heilsuræktarstyrkur

Frekari upplýsingar um starfið

Laun eru samkvæmt samningi Sambands íslenskra sveitarfélaga og KÍ v/ Félags leikskólakennara eða viðeigandi stéttarfélags.

Starfshlutfall 100%

Nánari upplýsingar um starfið veitir Hólmfríður Hannesdóttir leikskólastjóri í síma 411-6820 eða á netfanginu holmfridur.bjargey.hannesdottir@reykjavik.is