Velferðarráð
VELFERÐARRÁÐ
Ár 2005, miðvikudaginn 16. febrúar var haldinn 4. fundur s og hófst hann kl. 13.25 að Síðumúla 39. Mættir: Björk Vilhelmsdóttir, Marsibil Sæmundsdóttir, Stefán Jóhann Stefánsson, Jóna Hrönn Bolladóttir, Guðrún Ebba Ólafsdóttir, Jórunn Frímannsdóttir og Marta Guðjónsdóttir. Áheyrnarfulltrúi: Kolbeinn M. Guðjónsson.. Af hálfu starfsmanna: Lára Björnsdóttir, Stella Víðisdóttir og Helga Benediktsdóttir sem ritaði fundargerð.
Þetta gerðist:
1. Áhrif stjórnkerfisbreytinga á Velferðarsvið.
Sviðsstjóri Velferðarsviðs gerði grein fyrir málinu
2. Lögð fram drög að samþykkt fyrir Velferðarráð Reykjavíkurborgar dags. 3. febrúar 2005.
Formaður Velferðarráðs og Sviðsstjóri Velferðarsviðs gerðu grein fyrir málinu.
3. Lagt fram minnisblað forstöðumanns lögfræðiskrifstofu vegna fundar með Umboðsmanni Alþingis 14. febrúar 2005.
Sviðsstjóri Velferðarsviðs og forstöðumaður lögfræðiskrifstofu gerðu grein fyrir málinu.
Jóna Hrönn Bolladóttir vék af fundi kl. 14.10.
Samþykkt samhljóða að fela formanni Velferðarráðs og sviðsstjóra Velferðarsviðs að gera tillögu sem taki mið af góðum stjórnsýsluháttum og þeirri þjónustu og vinnubrögðum sem tíðkast hafa.
4. Lögð fram bókhaldsstaða 31. desember 2004 með fyrirvara um útgáfu ársreiknings Reykjavíkurborgar.
Fjármálastjóri Velferðarsviðs gerði grein fyrir málinu.
Velferðarráð óskar eftir frekari greiningu á þeim liðum í ársreikningi þar sem ekki hefur tekist að nýta fjárheimildir, s. s. í heimaþjónustu, stuðningsþjónustu og félagsstarfi.
5. Lagt fram svar við fyrirspurn fulltrúa Sjálfstæðisflokksins í Velferðarráði þann 9. febrúar sl. vegna Barnaverndar Reykjavíkur.
6. Lögð fram til kynningar trúnaðarbók 9. febrúar 2005 ásamt heildaryfirliti um ráðstöfun áfrýjunarnefndar.
7. Önnur mál.
a. Fulltrúar Sjálfstæðisflokksins lögðu fram eftirfarandi fyrirspurnir:
,,Hvernig er samstarfi Félagsþjónustu Reykjavíkur og Barnaverndar Reykjavíkur háttað við nemendaverndarráð Grunnskóla Reykjavíkur?
Hversu margar tilkynningar, ábendingar berast frá þessum ráðum árlega, t.d. síðastliðin 5 ár?
Hvernig er samstarfi Félagsþjónustu Reykjavíkur og Barnaverndar Reykjavíkur háttað við Leikskóla Reykjavíkur?
Hversu margar tilkynningar, ábendingar berast frá leikskólum borgarinnar árlega, t.d. síðastliðin 5 ár?”
b. Lagt fram minnisblað fjármálstjóra Velferðarsviðs, dags. 16. febrúar
2005 varðandi fjárhagsáætlunarferli og leikreglur með fjárhagsáætlun dags. 3. febrúar 2005.
c. Lögð fram tillaga forvarnarnefndar Reykjavíkur um sameiginlegan
fund ásamt Velferðarráði, Menntaráði, Íþrótta- og tómstundaráði þann
3. mars nk.
Samþykkt.
Fundi slitið kl. 15. 05
Björk Vilhelmsdóttir
Marsibil Sæmundsdóttir Stefán Jóhann Stefánsson
Guðrún Ebba Ólafsdóttir Jórunn Frímannsdóttir
Marta Guðjónsdóttir Kolbeinn M. Guðjónsson