Velferðarráð
VELFERÐARRÁÐ
Ár 2011, fimmtudaginn 18. ágúst var haldinn 166. fundur velferðarráðs og hófst hann kl. 13.40 í Borgartúni 12-14. Mættir: Björk Vilhelmsdóttir, Elsa Hrafnhildur Yeoman, Lárus R. Haraldsson, Geir Sveinsson og Þorleifur Gunnlaugsson. Af hálfu starfsmanna: Stella K. Víðisdóttir, Ellý A. Þorsteinsdóttir, Hörður Hilmarsson, Hulda Dóra Styrmisdóttir, Þorsteinn Hjartarson og Helga Jóna Benediktsdóttir sem ritaði fundargerð
Þetta gerðist:
1. Lagt fram til kynningar frumvarp að endurskoðaðri fjárhagsáætlun Reykjavíkurborgar fyrir árið 2011 vegna yfirfærslu málefna fatlaðra sem samþykkt var í borgarstjórn þann 21. júní sl.
Sviðsstjóri gerði grein fyrir málinu.
2. Lögð fram til kynningar stefnumótun vinnuhóps um Húsnæðisstefnu Reykjavíkurborgar 2020.
Formaður velferðarráðs gerði grein fyrir málinu.
3. Starfsendurhæfing óvirkra alkólista. Lagt fram minnisblað um átaksverkefni á Velferðarsviði, að beiðni fulltrúa Vinstri grænna
Formaður velferðarráðs gerði grein fyrir málinu.
Málinu er vísað til starfshóps um utangarðsfólk.
Jórunn Frímannsdóttir tók sæti á fundinum kl. 13.50.
4. Lögð fram könnun á viðhorfum (fordómum) gagnvart utangarðsfólki samkvæmt beiðni velferðarráðs frá 16. september 2010.
Málinu er vísað til starfshóps um utangarðsfólk.
5. Lögð fram til kynningar áfangaskýrsla velferðarvaktarinnar, júní 2011.
Sviðsstjóri gerði grein fyrir málinu.
6. Lagðar fram til kynningar lykiltölur janúar til júní 2008 - 2011.
Heiða Kristín Helgadóttir tók sæti á fundinum kl. 14.10.
7. Kynnt bókhaldsstaða Velferðarsviðs 30. júní 2011. Jafnframt kynnt minnisblað Velferðarsviðs um húsnæðismál.
Skrifstofustjóri fjármála og rekstrar og skrifstofustjóri velferðarmála gerðu grein fyrir málinu.
8. Fjárhagsáætlun 2012, kynntur endurskoðaður válisti Velferðarsviðs. Ennfremur lagt fram bréf borgarstjóra dags. 5. júli sl. varðandi leikreglur vegna fjárhagsáætlunar 2012.
Skrifstofustjóri fjármála og rekstrar gerði grein fyrir málinu.
9. Lagt fram til kynningar minnisblað aðgerðateymis vegna aðstæðna í efnahagslífi.
Skrifstofustjóri velferðarmála gerði grein fyrir málinu.
10. Lagður fram til kynningar samningur Velferðarsviðs og Eir hjúkrunarheimilis um þjónustu og leigu á íbúðum.
11. Lagður fram til kynningar samningur Velferðarsviðs og Ásgarðs handverksstæðis.
12. Lögð fram til kynningar bréf Innkaupaskrifstofu dags. 4. júlí og 15. ágúst sl. varðandi skýrslu samkvæmt 37. gr. Innkaupareglna Reykjavíkurborgar um viðskipti Velferðarsviðs Reykjavíkurborgar við Innkaupaskrifstofu í júní 2011.
13. Lagt fram til kynningar opið bréf til borgarstjórnar ódags. frá hópi unglinga sem völdu stjórnmálafræði sem námskeið í Háskóla unga fólksins.
14. Fundartímar velferðarráðs í vetur og fundaráætlun framundan.
Fundi slitið kl. 15.50
Björk Vilhelmsdóttir
Elsa Hrafnhildur Yeoman Lárus R. Haraldsson
Geir Sveinsson Þorleifur Gunnlaugsson
Jórunn Frímannsdóttir Heiða Kristín Helgadóttir