Umhverfis- og skipulagsráð
Umhverfis- og samgönguráð
Ár 2010, þriðjudaginn 13. apríl kl. 14.00 var haldinn 48. fundur umhverfis- og samgönguráðs í Hofi að Borgartúni 12-14. Fundinn sátu Gísli Marteinn Baldursson, Áslaug Friðriksdóttir, Kolfinna Jóhannesdóttir, Gerður Hauksdóttir, Friðrik Dagur Arnarson, Margrét Sverrisdóttir og Dagný Ósk Aradóttir. Jafnframt sat fundinn Jens Guðmundsson. Enn fremur sátu fundinn Ólafur Bjarnason, Stefán Agnar Finnsson, Þórólfur Jónsson, Gunnar Hersveinn, Eygerður Margrétardóttir, Einar Kristjánsson, Ellý Katrín Guðmundsdóttir og Örn Sigurðsson, sem ritaði fundargerð.
Þetta gerðist:
1. Göngustíganöfn í Reykjavík.
Lagt fram á ný bréf byggingafulltrúans í Reykjavík dags. 11. mars 2010.
Ráðið var sammála um, að endingin „slóð“, sem samkvæmt málvenju merkir lélegur eða ófullgerður vegur, væri óheppileg og hugnaðist endingin „leið“ betur. Jafnframt að gott væri að gefa stígum utan akbrautarkerfis heiti, s.s. með suðurströndinni austan Ægissíðu og inn í Fossvogsdal, en ekki væri ástæða til að gefa stígum samsíða umferðaræðum sérstakt heiti.
2. Fundargerðir.
a. Lögð fram til kynningar 136. fundargerð stjórnar Strætó bs.
b. Lögð fram til kynningar 271. Fundargerð stjórnar Sorpu bs.
3. Aðgerðir til að draga úr umferðarhraða – tillögur.
Lagt fram bréf borgarstjórans í Reykjavík dags. 7. apríl 2010.
Tillögunni var vísað til meðferðar Umhverfis- og samgöngusviðs.
4. Gnoðarvogur 1. – innkeyrsla.
Lagt fram bréf Umhverfis- og samgöngusviðs dags. 12. mars 2010 og bréf TBR dags. 10. mars 2010.
Niðurstaða Umhverfis- og samgöngusviðs var samþykkt einróma.
5. Sumartónleikar á grænum svæðum í Reykjavík.
Lagður fram tölvupóstur Jóns Ásgeirssonar dags. 30. mars 2010.
Garðyrkjustjóra falið að gera umsækjanda grein fyrir afstöðu ráðsins, sem felur í sér að ekki er fallist á að loka almenningsgörðum borgarinnar fyrir almennri notkun borgaranna á þeim með atburðum, sem selt er inn á.
6. Gönguleiðir skólabarna.
Lögð fram tillaga að verkefnum dags. 31. mars 2010 og bréf Umhverfis- og samgöngusviðs dags. 8. apríl 2010.
Tillagan var samþykkt einróma.
7. Vástaðir 2009.
Lögð fram tillaga að verkefnum með bréfi Umhverfis- og samgöngusviðs dags. 8. apríl 2010.
Tillagan var samþykkt einróma.
8. Fuglafóðrunarbann í Grasagarði.
Eva G. Þorvaldsdóttir, forstöðumaður Grasagarðsins kom á fundinn.
9. Félag íslenskra atvinnuflugmanna – ályktun.
Lögð fram til kynningar orðsending skrifstofu borgarstjórnar dags. 6. apríl 2010.
10. Heiðmörk – Vatnsverndarsvæði – raflínuframkvæmdir.
Lagt fram bréf borgarstjórans í Reykjavík dags. 16. mars 2010.
Tillögunni var vísað til umsagnar Umhverfis- og samgöngusviðs.
11. Reykjavíkurráð ungmenna – tillögur.
Lögð fram 3 bréf borgarstjórans í Reykjavík dags. 25. og 26. mars 2010.
Frestað.
12. Veiði í Elliðavatni – tillaga.
Lagt fram bréf borgarstjórans í Reykjavík dags. 19. mars 2010.
Tillögunni var vísað til umsagnar Umhverfis- og samgöngusviðs.
Fundi slitið kl. 15.25
Gísli Marteinn Baldursson
Áslaug Friðriksdóttir Kolfinna Jóhannesdóttir
Gerður Hauksdóttir Friðrik Dagur Arnarson
Margrét Sverrisdóttir Dagný Ósk Aradóttir
Jens Guðmundsson