Umhverfis- og skipulagsráð
Umhverfis- og samgönguráð
Ár 2011, þriðjudaginn 24. maí kl. 14.00 var haldinn 82. fundur umhverfis- og samgönguráðs á 7. hæð í Hofi í Borgartúni 12-14. Fundinn sátu Karl Sigurðsson, Kristín Soffía Jónsdóttir, Hjálmar Sveinsson, Páll Hjaltason, Gísli Marteinn Baldursson, Hildur Sverrisdóttir og Þorleifur Gunnlaugsson. Enn fremur sátu fundinn Ólafur Bjarnason, Stefán Agnar Finnsson, Kolbrún Jónatansdóttir, Gunnar Hersveinn, Ellý Katrín Guðmundsdóttir, Örn Sigurðsson og Þórólfur Jónsson, sem ritaði fundargerð.
Þetta gerðist:
1. Fundargerðir:
Lagðar fram eftirtaldar fundargerðir:
a. Reykjanesfólkvangur 27. apríl 2011.
2. Leiksvæðastefna.
Lagt fram á ný minnisblað starfshóps dags. 5. maí 2011.
Margrét Sigurðardóttir kynnti vinnu hópsins.
Ráðið samþykkti fyrir sitt leyti að hópurinn héldi áfram störfum fram á haust.
3. Kirsuberjatrjálundur - Ávaxta og berjagarður.
Margrét Sigurðardóttir kynnti tillögur að kirsuberjatrjálundi og ræktun ávaxtatrjáa og berjarunna í Hljómskálagarði.
4. Loftslagssáttmáli sveitarfélaga – orkuaðgerðaráætlun.
Lögð fram á ný til samþykktar áætlun Umhverfis- og samgöngusviðs.
Samþykkt einróma.
5. Hraðatakmarkanir á Miklubraut.
Lagt fram á ný bréf lögreglustjórans í Reykjavík dags. 19. apríl 2011.
Fulltrúi Vinstri grænna lagði fram eftirfarandi bókun:
Fulltrúi VG í Umhverfis- og samgönguráði telur rétt að draga úr umferðarhraða á götum Reykjavíkur og að hámarkshraði á Miklubraut verið lækkaður í 50 km á klst.
Auk slysahættu og hávaðamengunar frá umferðinni er ljóst að svifryk sem fylgir miklum umferðarhraða er heilsuspillandi fyrir íbúa borgarinnar.
Eðlilegt er að stjórnvöld í Reykjavík í samstarfi við Vegagerð ríkisins og lögregluyfirvöld geri ráðstafanir sem bæta lífsgæði í borginni og draga úr heilsuspillandi áhrifum bílaumferðar.
Geir Jón Þórisson og Kristján Ólafur Guðnason frá lögreglunni og Kristján Kristjánsson og Erna B. Hreinsdóttir frá Vegagerðinni komu á fundinn.
6. Stefnumótun um torg- og götusölu.
Ása Sigríður Þórisdóttir á Höfuðborgarstofu kynnti stefnumótun um torg- og götusölu.
7. Opnun Laugavegar fyrir gangandi vegfarendur.
Rætt um kynningu og framkvæmd.
8. Rauðilækur – lokun.
Lögð fram tillaga Umhverfis- og samgöngusviðs dags. 20. maí 2011 um að loka götunni.
Samþykkt einróma.
9. Geirsnef– aðgengi bílaumferðar.
Lögð fram að nýju tillaga um að loka báðum vegafleggjurum inn á Geirsnefið fyrir bílaumferð rétt innan við hundagerðið.
Samþykkt einróma.
10. Tækifæri til sameiningar bækistöðva Umhverfis- og samgöngusviðs og Framkvæmda- og eignasviðs.
Kynnt niðurstaða starfshóps.
Frestað.
11. Eyjar á Sundunum.
Kynnt fyrirkomulag útleigu og samstarf við Framkvæmda- og eignasvið.
Frestað.
12. Sorpmál.
Frestað.
Fleira gerðist ekki.
Fundi slitið kl. 17.54
Karl Sigurðsson
Kristín Soffía Jónsdóttir Hjálmar Sveinsson
Páll Hjaltason Gísli Marteinn Baldursson
Hildur Sverrisdóttir Þorleifur Gunnlaugsson